कोचिंग सेंटरबाहेर अचानक गोंधळ; विद्यार्थ्यांच्या वादानंतर मोठी खळबळ

बिहारची राजधानी पठाण  येथे मंगळवारी एका कोचिंग संस्थेबाहेर झालेल्या गोंधळामुळे मोठी खळबळ उडाली. मुसल्लहपूर हाट परिसरातील दोन कोचिंग संस्थांच्या विद्यार्थ्यांमध्ये सुरू झालेला वाद पुढे हिंसक स्वरूप धारण केल्याची माहिती समोर आली आहे.

मिळालेल्या माहितीनुसार, विद्यार्थ्यांमधील वादानंतर दोन्ही गटांमध्ये दगडफेक झाली. यावेळी गोळीबार झाल्याचाही दावा करण्यात आला असून एका सुरक्षा रक्षकाला गंभीर दुखापत झाली आहे. जखमी रक्षकावर रुग्णालयात उपचार सुरू आहेत. घटनेनंतर परिसरात मोठी धावपळ उडाली असून स्थानिक नागरिक आणि दुकानदारांनी सुरक्षित ठिकाणी आश्रय घेतला. परिस्थिती नियंत्रणात आणण्यासाठी वरिष्ठ पोलीस अधिकारी आणि मोठा पोलीस बंदोबस्त घटनास्थळी तैनात करण्यात आला. या घटनेनंतर खान सर  यांचे कोचिंग सेंटर पुढील आदेशापर्यंत बंद ठेवण्यात आले आहे. दरम्यान, शेकडो विद्यार्थ्यांनी निषेध म्हणून रस्त्यावर धरणे आंदोलन सुरू केले. विद्यार्थ्यांना शांततेचे आवाहन करण्यासाठी खान सर यांनी स्वतः निवासस्थानाच्या बाल्कनीत येऊन संवाद साधला. या प्रकरणात दोन्ही बाजूंनी एकमेकांवर गंभीर आरोप केले असून पोलिसांनी सीसीटीव्ही फुटेज जप्त केले आहे. दगडफेक आणि हिंसाचारात सहभागी असलेल्या व्यक्तींची ओळख पटविण्याचे काम सुरू असून पुढील तपास सुरू आहे.